Bahan Khotbah 2 Tesalonika 3:6-13 (Bahasa Simalungun)

I.                   Parlobeini

Tesalonika on aima sada kota na domma cukup maju atap pe makmur bani masa pardalanan ni si Paulus. Buei do halak Jahudi pakon halak Gorik na marianan i kota on. Anjaha bani panorang ai, adong sada kebingungan na muncul bani halak Kristen na i kota Korintus pasal apokalyptik atap pe paraousia atau pasal parroh ni Tuhan Jesus pakon pasal ari si magira. Bani halak Tesalonika na sebagian besar aima halak Gorik, adong do pemahaman na ipengaruhi kultus-kultus dewa (Yunani), hero, penguasa (Romawi), serapis (Mesir). Pemahaman na humbani kultus-kultus on, turut do homa mempengaruhi pangarusion ni sidea pasal ari simagira, na ija na iarusi sidea, bahwasani ari simagira ai laho roh ma, sonai homa par roh Jesus Kristus na ibaritahon ni si Paulus pe laho roh ma, halani ai buei do halak na paima-imahon ari ai, ibagas na paimahon ai buei do sidea na lang marhorja, pitah mangarapkon bantuan na roh. Dob konsi ai, lang homa pitah ai, adong do homa humbani kuria ai na marguro-guro mangurusi horja ni si Paulus pakon hasoman ni (busybodies).  

II.                   Hatorangan ni Teks

Ayat 6-7

            Bani teks ini, secara jelas ihatahon si Paulus do sada parentah hubani kuria na i Tesalonika. Anggo bani bahasa Simalungun ipakei do hata “ipaingat” (ay 6) berarti do ai i nasehati. Tapi anggo bani bahasa Inggris isobut ma ai command (NIV) na berarti do ai perintah, komando, intruksi (Nom), memerintahkan, menuntut, mewajibkan (verb). Arti na ijai, adong do sada parentah atap pe tuntutan na i wajibkan si Paulus hubani kuria ai, hata ni si Paulus on, termasuk hata na keras hubani kuria na i Tesalonika bani panorang ai. Lang pitah singat-singat, atap pe pesan (TB) songon na ituliskon bani bahasa Indonesia, tapi aima sada parentah. Parentah on pe lang parentah sembarangan na ibahen-bahen si Paulus, atap pe na roh humbani si Paulus sandiri, tapi parentah on, aima parentah na roh humbani Naibata do. Ai do ase ihatahon si paulus “Ibagas goran ni Tuhanta Jesus Kristus”, si Paulus marsahap lang berdasarkan diri ni sandiri, tapi berdasarkan hata ni Naibata. Halani ai taridah do homa ijon bahwasani si Paulus lang mengandalkan diri ni sandiri anjaha lang marsahap marhitei pikiranni sandiri tapi aima marhitei hata ni Naibata. Taridah do ijon sikap tegas ni si Paulus mamarentah kuria Tesalonika ase surut sidea humbani sanina na torsa marparlahou. Surut, keep away (NIV) artini menjauhi, berarti do au keluar atap pe lang mardomu humbani jolma na so torsa marparlaho ai (bnd. Rom. 16:17). Halak na so torsa marparlaho bani teks on aima halak Kristen, atap pe kuria Tesalonika na lang manangar hata ni si Paulus, atap pe na bermalas-malasan. Halani ai do ihatahon si Paulus, ase ulang ai na itiru atap pe ulang marhadomuan pakon sidea na bermalas-malasan ai, tapi ihatahon si Paulus do hubani kuria ai ise do sasintongni na patut sitiruon atap pe teladan hubani sidea. Adong sada keberanian bani diri ni si Paulus na mangkatahon bahwasani diri ni do na patut si tirion/teladan atap pe sebagai contoh hubani kuria ai. Ihatahon bani teks ai “hanami” hata on merujuk do ai hubani si Paulus pakon rekan-rekan ni aima si Timoteus pakon si Silas. Keberanian ni si Paulus mangkatahon on mardasar do, ihatahon ni hubani kuria ai “ai sedo na so torsa marparlahou hanami itongah-tongah nasiam” hata na sintong do na ihatahon si Paulus on, mase berani si Paulus manghatahon ai? Bani mungkahni hata na ihatahon bani ayat 7 on, ihatahon do “ai ibotoh nasiam sandiri do” tentunya anggo ibotoh, lang pitah halani itorih ase ibotoh/marpanbotoh, humbani halak na legan pe boi do ibotoh, manangar-nangar pe boi do ibotoh, anjaha marlajar pe boi do gabe marpambotoh. Tapi hata “ibotoh” na ipake si Paulus bani teks on, anggo bani bahasa gorik aima oi&date oidate, hata on berbentuk past tense yang berarti telah melihat/mengetahui anjaha hata on lebih dari sekedar mengetahui tapi domma itorih dengan mata dan pikiran (have seen with the eye and mind’s eye). Aido ase berani dengan tegas si Paulus manghatahon bahwasani sidea (Paulus pakon rekan ni) do sitiruan atap pe na gabe contoh i tongah-tongah kuria ai.

Ayat 8-10

            Selanjutni bani teks on, on do homa na gabe memperkuat alasan ni si Paulus, na mangkatahon bahwasani ia pakon hasoman ni patut gabe sitiruan/teladan. Ihatahon si Paulus do secara tegas bahwasani marhorja ibagas na loja anjaha sunsah do sidea arian pakon borngin. Haganup ruti na ipangan sidea ai, igalar sidea do marhiteihon horja na ihorjahon sidea i tongah-tongah ni kuria ai, anjaha seng pitah padaskon ambilan na madear ia itongah-tongah ni kuria, tapi dohot do ia mangurupi halak na legan martonun hiou tenda (Lah. 18:1-3). Ijon taridah do sonaha kerja keras ni si Paulus, anjaha taridah do holong ni uhur ni i tongah-tongah ni kuria ai, hansi pe ihatahon si Paulus do bahwasani marhak do namin sidea manjalo ruti i tongah-tongahni kuria, ai patut do namin sidea manjalo aha na gabe bagian ni i kuria ai, halani halak na marhorja bani rumah panumbahan mangan hun rumah panumbahan do anjaha halak na marugas bani anjap-anjap dapotan hunjai, sonai do homa age si parambilan, humbani ambilan ai ma ia manggoluh (1 Kor. 9: 13-14 bnd. 4 Mus 18:8, 31; 5 Mus 18:1-3)  tapi lang ai na gabe alasan ni si Paulus lang manghorja i tongah-tongah ni kuria ai. Lang ra ia mansunsahi kuria, tapi ibahen do diri ni gabe usihan. Halani ai memang lang pitah parentah na iberehkon ni si Paulus bani surat ni on hu kuria Tesalonika, tapi ibahen do diri ni sandiri na gabe si usihan, sitiruan, contoh, i tongah-tongah ni kuria ai. Ihatahon si Paulus do, sanggah na rap ope hanami pakon nasiam, domma iaturhon hanami bani nasiam : barang ise na so ra marhorja, ulang ma ia mangan (ay. 9 bnd. 3 Mus. 3:19). Anggo bani halak Yahudi etos kerja keras sangatlah penting, mungkin on do homa salah sada na gabe prinsip ni si Paulus bani panorang ai. Halani ai isobut do piga-piga hal bani padan na basa ia pasal na marhorja atap pe maningon marhorja ase mangan, anjaha ulang bermalas-malasan (Pod. 12:11; 6:6; 20:4; 26:14).

Ayat 11-13

            Dob konsi laho si Paulus pakon hasoman ni manadingkon kuria Tesalonika, ibogei si Paulus do barita hunbani kuria ai, paboa adong do kuria ai na lang mangkorjahon songon na iparentahkon ni ai. Justru adong do deba kuria ai na mangkorjahon na so horja. Bani bahasa Inggris ihatahon busybodies (NIV) artini ijai aima orang yang suka campur tangan dalam urusan orang lain atau lebih merujuk pada pengacau ai do memang ase ihatahon manghorjahon na so horja. Lang na lang boi campur tangan bani urusan ni halak na legan, tapi na ihatahon si Paulus bani kuria na i Tesalonika on, aima halak na berlebihan mangurusi urusan ni halak, gabe lang be ihorjahon horja ni (Lih. 1 Tes 4:11). Ase bani halak na si sonon iparentahkon si Paulus do anjaha ipalumba, iasak, idorong. Lang ongga lupa si Paulus, anggo haganupan hata na ihatahon ni ai hubani kuria ai, aima marhiteihon hata ni Naibata do, anjaha ibagas Naibata, otoritas ni Naibata do tong na ipagijang si Paulus, lang diri ni sandiri. Bani ayat 12, i bagian akhir ni teks ai, ihatahon ma use sebagai penekanan ase marhorja kuria ai. Na gabe sipasingat na selanjutni na ihatahon bani teks on aima : unang ma marnaloja mambahen namadear. Aha do na mambahen si Paulus mangkatahon hata on, padahal bani ayat-ayat sebelum ni ihatahon ase marhorja. Anggo mangidah kalimat  bani ayat 13 on, berarti adong na marhorja bani kuria ai, memang lang ganup kuria na bermalas-malasan halani ai jelas do bani ayat sebelumni ihatahon “deba”. Tapi mangidah situasi ni kuria ai, na ija adong do jolma na lang marhorja atap pitah mangurusi urusan ni halak tapi boi do ia mangan, gabe marayoh, berkecil hati/ciut, semangat ni halak na rajin, halani ai do homa ase ipasingat sidea ulang ma marnaloja, tapi totap ma mangkorjahon na madear, halani manabi do holi bani panorang ni (Gal. 6:9).           

III.      Panutup

1.      Si Paulus marsahap lang pajuntul-juntulhon diri ni, tapi totap do ia berdasar humbani hata ni Naibata, selaku siparambilan, ia lang marsahap humbani diri ni sandiri tapi humbani hata ni Naibata do. Selaku juak-juak ni Naibata na marhorja i juma ni Naibata, ulang ma mengandalkan diri sendiri, tapi totap ma marondos ibagas gogoh ni Naibata.

2.      Selaku siparambilan/juak-juak ni Naibata maningon do gabe usihan, sitiruan, atap contoh hubani haganup kuria pakon halak na legan. Maningon gabe juak-juak na marintegritas, aha na ihatahon ni maningon do homa ihorjahon ni.

3.      Halak na sihol mangan, maningon do homa marhorja. Halani bani mungkahni jolma itompa isuruh Naibata do manlahoi ampa manramotkon pohon Eden (1 Mus. 2:15).

4.      Ulang ma marnaloja mangkorjahon namadear, halani adong do holi panorang ni dapotkononta upah ni/manabi, anjaha, lang humbani jolma hita mandapotkon upah ni horja ta, tapi humbani Naibata do.   

Ibagas na paimahon ari parroh ni Tuhan Naibata, maningon do hita jaga, bersiap, artini ijai totap ma hita makkorjahon na madear ibagas na paimahon ai.